𝐌𝐨𝐝𝐮𝐥𝐮𝐚: 𝐇𝐢𝐳𝐤𝐮𝐧𝐭𝐳𝐚𝐫𝐞𝐧 𝐃𝐢𝐝𝐚𝐤𝐭𝐢𝐤𝐚: 𝐈𝐩𝐮𝐢𝐧 𝐋𝐚𝐧𝐤𝐞𝐭𝐚

Ongi etorriak "Notas de cambio" blogera. Gaur, "Hatzaparrak" taldearen izenean, hausnarketa labur baten bitartez, aniztasunaren mundura hurbiltzea gustatuko litzaiguke. Izan ere, gaur egun, kontzeptu hau oso presente dagoen gizarte batean bizi gara. Era berean, gero eta maizago, eskoletan aniztasun handiko ikasle-taldeak biltzen dira. Adibidez, arrazoi sozial, etniko eta kulturalen araberako desberdintasunak, motibazio gutxiko edo gaitasun handiko ikasleak, hezkuntza-premia bereziak dituzten ikasleak, etab.

Terminologiari dagokionez, Silva (2008) egileak, hurrengo definizioa aurkezten digu “aniztasun” kontzeptuaren inguruan:

‘[…] Ikasleen ezaugarri berezi guztiak, ikasle guztiek ikaskuntza-maila bera izan dezaten arreta espezializatua behar duten hainbat faktorek eragindakoak […]’

Legediari dagokionez, maiatzaren 3ko 2/2006 Lege Organikoak, ikasleen heterogeneotasuna eta aniztasuna aitortzen ditu, ikasle bakoitzaren behar pertsonalen araberako hezkuntza jasotzeko eskubidea onartzen duen era berean.

Hori dela eta, etorkizuneko Haur Hezkuntzako irakasleak izango garen aldetik, ikasle bakoitzaren ezaugarriak kontuan hartu beharko ditugu, bakoitzaren beharretara egokitzen den irakaskuntza eskaini ahal izateko. Horrela, hezkuntza-inklusioaren alde egingo dugu, hezkuntza-komunitate osoarentzat aberasgarria izango den erronka, alegia. Beraz, eskolaren ardura izango da ikasle guztiek beren gaitasunak ahalik eta gehien garatzeko estrategiak eta jarduerak abian jartzea, desberdintasunak desberdinkeria bihur ez daitezen.

Gure etorkizuneko ikasgeletan aurki dezakegun aniztasuna erreferentziatzat hartuta, taldekideok "Tximeleta Belarriak" liburua irakurtzea proposatu dugu. Liburu horretan, zalantzarik gabe, aniztasunarekin batera, “bullying” kontzeptua landu ahal izango dugu etorkizuneko ikasleekin. “Bullying” kontzeptua argitzeaz gain, Haur Hezkuntzan landu beharreko gaitzat dugu eta haurrei konzientzia pizteko liburu azpimarragarria dela uste dugu.

Gure proposamenean, Maddi dugu protagonista eta haren lagunengandik behin eta berriz irainak jasaten dijoa kontakizunean zehar. Maddik, irainen aurrean, erantzun positiboak ematen dizkie lagunei. Lagunek, irainak egiten jarraitzen dute eta Maddik azkenean onartu egiten du belarri handiak dituela baina berari bost axola zaiola dio.

Ipuin honi, mezu positiboa atera diogu eta haurrei kontakizun honen bitartez hori helarazi nahi diegu. Haurrei, pertsona guztiak desberdinak garela eta desberdintasun horiek “gu” egiten gaituztela erakutsi diezaiegun. Jakina denez, Lehen Hezkuntzan eta Derrigorrezko Bigarren Hezkuntzan gai hau ohikoagoa izaten denez, honi garrantzia handia ematen zaio eta lanketa bat egiten da. Guri garrantzitsua iruditzen zaigu haurrak direnetik aniztasuna lantzea zeren eta txikitatik barneratzen badute besteak diren bezala onartzen eta errespetatzen, handiagoak direnean horrekiko konzientzia garatuagoa edukiko dute.

"Tximeleta Belarriak" liburutik ateratako ideia erreferentziatzat hartuta, taldekideok beste bi jarduera diseinatzea erabaki dugu. Jarduera horien bidez, aniztasunaren gaia lantzen jarraitu ahal izango dugu, eta, nolabait, jarrera diskrimatorioak prebenitu eta, etorkizunean, eskola-jazarpenari buruzko edozein jarrera ezabatu ahal izango dugu.

Izenburua

KORO IBILTARIA

Jardueraren deskribapena

Haurrak lurrean eserita daudelarik, irakasleak kartoizko koro bat jarriko dio haur bati. Koroa jartzean, irakasleak beste haurrei eskatuko die koroadun haurrari buruz gustuko duten gauza bat esateko. Haur horrekin amaitzean, beste haur baten txanda izango da eta beste haur horrekin ekintza bera burutuko da. Horrela, haur guztiek jarduera egin eta bizi arte jarraituko dugu.  Azkenik, galdetuko zaie ea nola sentitu diren lagunek esan dietenarekin eta ea gustatu zaien esandako hori. Horrela, haurren barne gogoeta bultzatuko dugu eta haien bizipenak partekatuko dituzte besteekin.

Izenburua

ALTXOR MAGIKOA

Jardueraren deskribapena

Lehenik eta behin, ikasle guztiak bilduko ditugu batzar gisa, eta, ondoren, sarrera moduan, pirata baten altxor galduari buruzko istorio labur bat kontatuko dugu. Batzarraren erdian kutxa bat egongo da, altxor kofre gisa, non, barruan, galdutako altxorra egongo den. Irakasleak ikasle bakoitzari azalduko dio, kutxa, haur bakoitzari banaka emango zaiola, eta haur bakoitzak kutxa eskuan duenean altxorra irekiko du eta bere buruaren ezaugarri positibo bat esango du. Jardueraren amaieran, irakasleak ikasle bakoitzari galdetuko dio zein emozio sentitu dituen bere buruari berezko ezaugarri positibo bat esatean.

Gure hausnarketari amaiera emateko, aipatu beharra dugu Haur Hezkuntzako gela, leku bikaina dela ikasleak aniztasunaren inguruan hezten hasteko. Izan ere, tolerantzia, kontzientzia, errespetua, eta eskolan aniztasunak duen garrantziari buruzko gaiak hasteak onura asko ekarriko dizkie haurrei ez ezik, gizarte inklusibo bat sortzeko oinarria ere izango da, ezberdintasunak aberastasun gisa ikus daitezen.

“La diversidad es la magia. Es la primera manifestación, el primer comienzo de la diferenciación de una cosa y de la identidad simple. Cuanto mayor es la diversidad, mayor es la perfección. “ Thomas Berry

Hatzaparrak Taldea:

Pérez Guereta, Naiara

Telleria Robles, Maddi

Tello Cibiriain, Janire

Vélez López, Koro

HH2 - GA2